सोलापूर : जागतिक योगदिनाचे औचित्य साधून‘लायन्स क्लब ऑफ सोलापूर सेंट्रल’च्या वतीने प्रसिद्ध योग गुरूंचा सन्मान करण्यात आला. या वेळी शिक्षिका उत्कर्षा कुचन, शैलजा कामून, भालचंद्र पगड्याल, किरण कोटा, लक्ष्मण भंडारी या पाच योगगुरूंचा लायन्स मोमेंटम, पुष्पगुच्छ आणि भेटवस्तू देऊन सन्मान करण्यात आला. क्लबचे व कार्यक्रमाचे अध्यक्ष अॅड. श्रीनिवास कटकूर यांनी सर्व मान्यवरांचे स्वागत केले. त्यानंतर सर्व योगगुरूंचा सन्मान करण्यात आला. अध्यक्ष अॅड. श्रीनिवास कटकूर, प. शि. संस्थेचे विश्वस्त लक्ष्मीकांतग ड्डम, लायन उपाध्यक्ष चंद्रकांत यादव, लायन सेक्रेटरी विठ्ठल सारंगी, लायन यशवंत इंदापुरे यांच्या हस्ते सत्कार करण्यात आला. या वेळी योगगुरू भालचंद्र पगड्याल व किरण कोटा, लक्ष्मण भंडारी यांनी भाषण केले.
या कार्यक्रमाला कमलाबाई कुचन, शैलजा कुचन, अरुणा कुचन, व्यंकटरमणा कुचन, लायन चक्रधर अन्नलदास, दीनानाथ धुळम, राजू चौधरी, नागनाथ कोळा, डॉ. राजदत्त रासोलगीकर, सागर पिस्के, अॅड. किरण कटकूर, आकाश आयंची, महेश इंजामूरी हे मान्यवर उपस्थित होते. आभार लायन सेक्रेटरी विठ्ठल सारंगी यांनी मानले.